നീ തന്ന നോവിന്റെ  മുറിപ്പാടില്‍ ചോര കിനിയുന്നുണ്ട്, 

എങ്കിലുമെന്റെ സിരകളില്‍ നിന്നോടുള്ള പ്രണയം നുരഞ്ഞുപൊന്തുന്നു. 

ഭ്രാന്തമാണെന്റെ പ്രണയം,

നീ നല്‍കുമാ പ്രണയചഷകത്താല്‍

ഉന്മാദിനിയായതോ ഞാന്‍? 

അറിയാമെനിക്ക് - നിന്നിലെ നിന്നെ, 

നീ കാത്തുവെയ്ക്കുന്നൊരാ പ്രണയത്തിനുറവയും. 

വിട്ടു പോകുവാനാമോ എനിക്കിനി? 

എന്റെ പ്രാണന്‍ നിന്നിലലിഞ്ഞു പോയിരിക്കുന്നുവല്ലോ!

എന്ന് ഹൃദയപൂര്‍വ്വം,

വിജിത