ഗ്രാഫിക്സ്

നിറമില്ലാത്തൊരീ രേഖകള്‍ക്കിടയില്‍ 

ചോദ്യത്തിനുത്തരം തേടുന്നു ഞങ്ങള്‍...

കഷണ്ടി തിളങ്ങുമാ ശിരസ്സും തലോടി 

പുഞ്ചിരി തൂകി നില്‍ക്കുന്നു താങ്കള്‍,
                                                   മേശയില്‍ ചാരി...

നേഴ്സറി  ക്ലാസ്സിലെന്നോ പഠിച്ചൊരാ-

ക്ഷരങ്ങളെ സ്കെയില്‍  കൊണ്ടളന്നു 
                                                  കുറിക്കുന്നു ഞങ്ങളിന്നു ..

പണ്ടനായാസം വരച്ചിരുന്നൊരാ 
                                                ജ്യാമിതീയ രൂപങ്ങളെ,

വരച്ചൊപ്പിക്കുവാന്‍  പാടുപെടുന്നു  ഞങ്ങള്‍...

എല്ലാം കണ്ടെന്തേ  ചിരിക്കുന്നു താങ്കള്‍? 

താങ്കളുടെ കോപത്തിനാഴവു-
                                                മറിയുന്നു ഞാന്‍.

ചൊല്ലി താങ്കളുടെയാരാധികയതിനെ-
                                               ക്കുറിച്ചന്നൊരിക്കല്‍,

പിന്നെ ഞാനും കേട്ടതല്ലേ ഒരല്‍പ്പം  ശകാരം..!

അന്നെന്‍ കണ്‍കളില്‍ മിഴിനീര്‍ 
                                                പൊടിഞ്ഞെങ്കിലും,

ഇന്നും താങ്കളെന്‍ പ്രീയ അദ്ധ്യാപകന്‍.........

                         

                                                                               ഹൃദയപൂര്‍വ്വം,

                                                                                                          വിജിത    

(I'm gonna miss those days for sure...)