നഷ്ടസൗഹൃദo

ഓർക്കുന്നു ഞാനീ മഴയിൽ
നഷ്ടസൗഹൃദമേ  നിൻ മുഖം.
കളിച്ചും ചിരിച്ചും, പിന്നെ-
ക്കരഞ്ഞും പിരിഞ്ഞും,
മിണ്ടാതെ മിണ്ടിയും,
ഒടുവിലിണങ്ങിയും,
നാം കാത്തൊരാ സൗഹൃദത്തെ
ഓർക്കുന്നു ഞാനിന്ന്.....

എന്നിട്ടുമെങ്ങനെ ഓർമയിൽ മാഞ്ഞു,
സൗഹൃദമേ നീ?
അഹങ്കരിച്ചിരുന്നു ഞാൻ നിൻ
നിസ്തുല പ്രഭയിൽ ;
എന്നിട്ടുമെന്തേ അകന്നു പോയ്‌
നീയെൻ പ്രീയ സൗഹൃദമേ ?
ഓർക്കാതിരിക്കാൻ
ഓർക്കുന്നു ഞാൻ,
എന്നിട്ടും മറക്കുന്നില്ല
നിന്നെ ഞാൻ....................

ഹൃദയപൂർവ്വം,
വിജിത