നിശ്ശബ്ദം

നിശ്ശബ്ദമീ ലോകം,

നിനക്കു ചുറ്റും മൌനം സകലവും...

സ്വപ്‌നങ്ങള്‍ പോലും പുതയ്ക്കുന്നു,

മൌനത്തിന്‍ കരിമ്പടം...

അറിയില്ല നിനക്കീ സംഗീതത്തിന്‍

താള ലയ  വിന്യാസങ്ങള്‍ ,

എങ്കിലും വാക്ക്ഭാഷണങ്ങളില്ലാതെ

ഒഴുകുന്നെനിക്കു ചുറ്റും, നിന്‍ 

അനുപമാം സൗഹൃദം മൌനമായ്....

നിന്‍ ഭാഷയറിയില്ലെനിക്കെങ്കിലുമെന്‍   

ഹൃദയത്തിന്‍ ഭാഷയറിയുന്നു  നീ..

മൊഴിയറിയില്ലെനിക്കു  പക്ഷെ നിന്‍റെ 

മൌനമറിയുന്നു ഞാന്‍...

അറിയാമെനിക്കീ മുകതയെത്ര 

                              ഭീകരമായിരിക്കുമെന്ന്....

എങ്കിലും പുഞ്ചിരിക്കുന്നു 

                             നീ ഹൃദ്യമായി......

നല്‍കട്ടെ ഈശ്വരന്‍ നിനക്കു നന്മകളായിരം...

ആഗ്രഹിക്കുന്നു ഞാന്‍, ഈ 

ശബ്ദമുഖരിതമാം ലോകത്തിന്‍ ജാലകം 

നിനക്ക് മുന്‍പില്‍ തുറന്നിടുവാന്‍....

ഹൃദയപൂര്‍വ്വം,

വിജിത