കൊല്ലുന്നതോ നീതിയെന്ന് ചോദിക്കും പ്രേക്ഷകരോട്,

കൊന്നതവളെയായിരുന്നപ്പോൾ എന്തേ 

ചോദിച്ചില്ലയീ ചോദ്യം? 

ഹൃദയപൂർവ്വം,

വിജിത

ഓർമകളിലെ എ. ജെ. സി. എസ്‌. എസ്‌. എസ്‌.

തിരഞ്ഞു ഞാനീ ഇടനാഴിയിലെൻ നഷ്ടബാല്യം,
ഇവിടെ നിറഞ്ഞയാ കൗതുകകണ്ണുകളിലെൻ               
                                          ബാല്യസ്വപ്നങ്ങൾ കണ്ടു. . .

ബാല്യത്തിൻ കളിചിരികൾ കണ്ടു ,

പൊട്ടിവിടരും കൗമാരത്തിൻ  സൗന്ദര്യം കണ്ടു;

ക്ലാസ്സ്മുറികളിലുയർന്ന കുസൃതിചോദ്യങ്ങൾ കേട്ടു ,

ഉത്തരം കിട്ടാതുഴലുന്ന ചില കുഞ്ഞുമനസ്സുകൾ     

                                                                                കണ്ടു;

ബാല്യം കോറിയിട്ട മായചിത്രങ്ങൾ കണ്ടു,

പെറ്റുപെരുകുന്ന സൗഹൃദത്തിൻ മയിൽ‌പ്പീലി-     

                                                         ത്തുണ്ടുകൾ  കണ്ടു, 

എവിടെയോ ചില പ്രണയചാപല്യങ്ങൾ തൻ ഏങ്ങി 

                                                          കരച്ചിലുകൾ കേട്ടു;

അടക്കിപ്പിടിച്ച ദേഷ്യം കണ്ടു,

അടക്കാനാകാത്ത അമർഷം കണ്ടു, 

നിഷ്കളങ്കമാം  സ്നേഹം  കണ്ടു; 

പുസ്തകപ്പുഴുക്കളെ കണ്ടു , 

പുസ്തകം തൊടാത്ത മിടുക്കരെ  കണ്ടു !

ഇവിടെ, ഈ അങ്കണത്തിൽ നിൽക്കുന്നു 

                                                    ഞാനിന്നവസാനമായ്‌,

വിദ്യാലയമേ, വിട തരികെനിക്ക്. . .

എൻ പ്രഥമതൊഴിലിടമേ, നന്ദി, 

നീ തന്ന കാഴ്ചകൾക്ക് , ഒപ്പമാ സൗഹൃദങ്ങൾക്കും. . .

കാലമേ, മായ്ക്കാതിരിക്കുകയീ ഓർമകളെൻ       

                                                           ഹൃത്തിൽ നിന്നും. . .

 ഹൃദയപൂർവ്വം , 

വിജിത 

പരാതി :

"ചിറകരിഞ്ഞു ഞങ്ങൾ,
പക്ഷേ ഇപ്പോൾ  നടക്കുന്നു ആ അഹങ്കാരി കിളി. "

*******

നടപടി : 

കാലൊടിക്കണം.

*******

മറുപടി :

" ഇഴഞ്ഞു നീങ്ങും ഞാൻ.... "

ഹൃദയപൂർവ്വം,

വിജിത  

ഒരിക്കലും മറക്കാതെ ,
ഒരു മാത്രപോലും പിരിയാതെ,
സൗഹൃദമേ, നിൻ തണലിൽ-
മയങ്ങട്ടെ ഞാൻ...

ഒടുവിലായ് എത്തുമാ മരണത്തിലും,
ചിരിക്കട്ടെ, ഞാൻ നിൻ ഓർമയിൽ.

ഹൃദയപൂർവ്വം,
വിജിത

എന്തോ എഴുതുവാനാണ് ഞാനീ പുസ്തകത്താൾ തുറന്നത്. പക്ഷെ വാക്കുകൾ എനിക്ക്  തുണ നിൽക്കുന്നില്ല. തൂലികത്തുമ്പിലൂടെ പുറത്തെത്തുവാൻ വെമ്പൽ കൊള്ളുന്ന എന്തോ ഒന്ന് ഹൃദയത്തിനുള്ളിൽ കലാപം സൃഷ്ടിക്കുന്നുണ്ട്; എന്നാൽ തലച്ചോറ് ഹൃദയത്തെ അനുകൂലിക്കുന്നില്ല. ഹൃദയം പറയാൻ ശ്രമിക്കുന്നതെന്തോ അതിനെയീ സമർത്ഥനാം തലച്ചോറ് തടയുന്നു.

ഇനി നിശ്ശബ്ദത....... ശ്മശാനസമാനമായൊരു ശാന്തത, തലച്ചോറ് ഹൃദയത്തിനൊപ്പം നിൽക്കുന്ന കാലത്തോളം.....

ഹൃദയപൂർവം,
വിജിത