മറക്കില്ലൊരിക്കലും....
മഞ്ഞുപോല് മനസ്സുള്ളോരെന് സുഹൃത്തേ,
വിദൂരത്തിരിക്കും നിന്നെ ഞാന്
മറക്കില്ലൊരിക്കലും,
എന് ജീവനുള്ള നാള് വരെ....
ഹൃദയപൂര്വ്വം,
വിജിത
Saturday, January 26, 2013
മറക്കില്ല ഞാന് നിന്നെ..
മറക്കില്ലൊരിക്കലും....
മഞ്ഞുപോല് മനസ്സുള്ളോരെന് സുഹൃത്തേ,
വിദൂരത്തിരിക്കും നിന്നെ ഞാന്
മറക്കില്ലൊരിക്കലും,
എന് ജീവനുള്ള നാള് വരെ....
Saturday, November 24, 2012
ആ പുകചുരുളുകള്...
എന്റെ മുന്പില് ചുമച്ചു നില്ക്കുന്നത് ജീവിതമാണ്. ജീവിച്ചു തീര്ക്കാന് ഞാനേറെ കൊതിച്ച എന്റെ ജീവിതം... ആരെയോ തോല്പ്പിക്കാനെന്നവണ്ണം പായുന്ന ഈ മനുഷ്യര്ക്കറിയുമോ എന്റെ വേദന? ഇല്ല, ആര്ക്കുമറിയില്ല അല്ലെങ്കില് തന്നെ അവരെന്തിനറിയണം?
കാലചക്രം തിരിഞ്ഞുരുളുകയാണോ? കഴിഞ്ഞു പോയ ജീവിത ദൃശ്യങ്ങള് വീണ്ടും കണ്മുന്പില് തെളിയുന്നു.... ബാല്യം, കൌമാരം, ആദ്യ പ്രണയം, വിവാഹം, നേട്ടങ്ങള്, നഷ്ടങ്ങള്.... എല്ലാം... ഒപ്പം ആ പുകച്ചുരുളുകളും....... ഈ ചുമ സമ്മാനിച്ചു പോയ വിഷപുക....... ആദ്യം വെല്ലുവിളിയായി , പിന്നെ അഭിനിവേശമായി, ഒടുവില് അടിമത്വവും നിരാശയുമായി എന്നിലേക്ക് പടര്ന്നു കയറിയ ലഹരിയുടെ പുകച്ചുരുളുകള്...
അതെ, ഇവിടെ തെറ്റ് എന്റെതു മാത്രമാണ്. നിങ്ങള് തിരിഞ്ഞു നോക്കരുത്, സഹതാപം കാണിക്കരുത്... ഞാനിങ്ങനെ ചുമച്ചു തീരട്ടെ... കാരണം , ഞാനിതര്ഹിക്കുന്നു.
ഹൃദയപൂര്വ്വം,
വിജിത
Thursday, November 22, 2012
ഓര്മിക്കുവാനൊരു പുഞ്ചിരി
ഓര്ക്കാനൊരു ചിരി മാത്രം നല്കി നീ,
നടന്നകലുമ്പോഴും.............
മനസ്സില് നീ മാത്രമായിരുന്നെന് സഖീ ...
ഓര്ക്കാതിരിക്കുവാനോതും നേരത്തും ,
ഓര്മകളില് നീ മാത്രമായിരുന്നൂ സഖീ ...
ഹൃദയത്തില് കാത്തു ഞാനാ ചിരി,
ഓര്മിക്കുവാന് മാത്രമായ് നീ തന്നൊരാ പുഞ്ചിരി....
ഹൃദയപൂര്വ്വം,
വിജിത
Tuesday, October 23, 2012
കുഞ്ഞേ നിനക്കായ്
നിങ്ങള്ക്കീ മുഖം പരിചയമുണ്ടോ? മലാലെ യൂസഫ്- പാകിസ്ഥാന്റെ ആന് ഫ്രാങ്ക്...................
സ്വപ്നങ്ങളെ, പൂക്കളെ ഒക്കെ സ്നേഹിച്ച ഇവളുടെ തെറ്റെന്തായിരുന്നു? വിദ്യാഭ്യാസവും സമാധാനവും സ്വാതന്ത്ര്യവും വേണമെന്നാഗ്രഹിച്ചതോ?
'അതേ' എന്നാണ് നിങ്ങളുടെ ഉത്തരമെങ്കില് എന്നെയും നിങ്ങളുടെ മക്കളേയും കൂടി കൊന്നു കളഞ്ഞേക്കൂ.... കാരണം ഞങ്ങളും സ്വാതന്ത്ര്യം ആഗ്രഹിക്കുന്നു; സമാധാനവും....
'അല്ല' എന്നാണ് ഉത്തരമെങ്കില് പ്രാര്ത്ഥിക്കൂ ഹൃദയപൂര്വ്വം ഇവള്ക്കായ്...ഇവളെ പോലെയുള്ള മറ്റനേകം പെണ്മക്കള്ക്കായി.... പാകിസ്ഥാനായി........................................
മലാലെമാര് ഇനി ഉണ്ടാകാതിരിക്കട്ടെ...
കുഞ്ഞേ, നിന്റെ ധൈര്യത്തിനു മുന്പില് ഞാന് നമിക്കുന്നു ! നിന്റെ സ്വപ്നം പൂവണിയാന് ഞാന് പ്രാര്ത്ഥിക്കുന്നു..
ഹൃദയപൂര്വ്വം,
വിജിത
Subscribe to:
Posts (Atom)